Khemmalay SONDAVANH
ພິທີມອບ-ຮັບ ອາຄານອາເນກປະສົງ ແລະ ອຸປະກອນຫ້ອງທົດລອງ ໃຫ້ໂຄງການພັດທະນາ ແລະ ປັບປຸງເຕັກໂນໂລຊີການຜະລິດພືດຜັກ
ໂຄງການພັດທະນາ ແລະ ປັບປຸງເຕັກໂນໂລຊີການຜະລິດພືດຜັກ ຢູ່ເຂດເມືອງ ຫາດຊາຍຟອງ ແມ່ນໄດ້ຮັບທຶນສະໜັບສະໜູນຈາກ ກະຊວງກະສິກຳ, ອາຫານ ແລະ ພັດທະນາຊົນນະບົດ ຂອງ ສ.ເກົາຫຼີ ໂດຍຜ່ານລັດວິສາຫະກິດຊຸມຊົນ-ຊົນນະບົດ ສ.ເກົາຫຼີ (KRC), ຈຳນວນ 3.478.260 ໂດລາສະຫະລັດ ຫຼື ເທົ່າກັບ 4.000.000.000 ວອນ. ໄລຍະການຈັດຕັ້ງປະຕິບັດໂຄງການແມ່ນ 04 ປີ (2019-2022). Continue reading
ບົດຂ່າວອຸຕຸກະເສດປະຈໍາອາທິດທີ່ 27 ທັນວາ 2021 ຫາ ວັນທີ 2 ມັງກອນ 2022
ຜົນການພະຍາກອນອາກາດ 03 ເດືອນຂ້າງໜ້າ ( ທັນວາ 2021 ຫາ ກຸມພາ 2022) ຈາກລະບົບອຸຕຸກະເສດແຫ່ງ ສປປ ລາວ ໄດ້ຊີ້ໃຫ້ເຫັນວ່າ: ບັນດາແຂວງດ້ານຕາເວັນຕົກສຽງເໜືອ ແລະ ບາງແຂວງພາກກາງ (ແຂວງ ບໍ່ແກ້ວ, ຫຼວງນໍ້າທາ, ອຸດົມໄຊ, ຫຼວງພະບາງ,ໄຊຍະບູລີ, ແຂວງ ວຽງຈັນ ແລະ ນະຄອນຫຼວງວຽງຈັນ) ມີສະພາບອຸນຫະພູມສູງກວ່າ ເມື່ອທຽບໃສ່ເກນປົກກະຕິ. ເຊິ່ງໃນນີ້ 2 ແຂວງ ຄື: ແຂວງ ສະຫວັນນະເຂດ ແລະ ແຂວງ ຈໍາປາສັກ ແມ່ນມີຜົນຄາດຄະເນອຸນ ຫະພູມຕໍ່າກວ່າ ເມື່ອທຽບໃສ່ເກນປົກກະຕິ ສ່ວນແຂວງອື່ນໆແມ່ນນອນຢູ່ໃນເກນປົກກະຕິ.
ການນຳໃຊ້ທີ່ດິນ ໃນຂອບເຂດທົ່ວປະເທດ
ກົມຄຸ້ມຄອງ ແລະ ພັດທະນາທີ່ດິນກະສິກຳ, ກະຊວງກະສິກຳ ແລະ ປ່າໄມ້ ຮ່ວມກັບ ໂຄງການສ້າງຄວາມເຂັ້ມແຂງໃຫ້ແກ່ລະບົບຂໍ້ມູນຂ່າວສານ ແລະ ການຕິດຕາມສະພາບອຸຕຸກະເສດ ເພື່ອຊ່ວຍໃນການປັບຕົວເຂົ້າກັບການປ່ຽນແປງດິນຟ້າອາກາດ ແລະ ການຄໍ້າປະກັນສະບຽງອາຫານຢູ່ ສປປ ລາວ (ໂຄງການ ຊາມິສ). ໂດຍການສະໜັບສະໜູນທຶນຈາກ ອົງການສິ່ງແວດລ້ອມໂລກ (GEF). ໄດ້ພັດທະນາ ແລະ ປັບປຸງແບບຟອມສຳລັບເກັບກຳຂໍ້ມູນການນຳໃຊ້ທີ່ດິນ ໃນຂອບເຂດທົ່ວປະເທດ ພ້ອມທັງຄຳອະທິບາຍລາຍລະອຽດຕ່າງໆ ໃນການເກັບກຳຂໍ້ມູນຢ່າງລະອຽດ ເພື່ອສົ່ງແບບຟອມດັ່ງກ່າວໃຫ້ພະແນກກະສິກຳ ແລະ ປ່າໄມ້ແຂວງ ແລະ ນະຄອນຫຼວງວຽງຈັນ ສົ່ງຕໍ່ໃຫ້ຫ້ອງການກະສິກຳ ແລະ ປ່າໄມ້ເມືອງ ໃນຂອບເຂດທົ່ວປະເທດ ເປັນຜູ້ເກັບກຳຂໍ້ມູນຕາມສະພາບເງື່ອນໄຂຕົວຈິງຂອງຕົນໃສ່ໃນແບບຟອມ ເຊິ່ງວິຊາການຂອງກົມຄຸ້ມຄອງ ແລະ ພັດທະນາທີ່ດິນກະສິກຳ ໄດ້ອະທິບາຍ ແລະ ແນະນຳເພິ່ມຕື່ມໃນແຕ່ລະແບບສອບຖາມ ໃຫ້ແກ່ພະນັກງານວິຊາການຂັ້ນແຂວງ ແລະ ເມືອງ ກ່ອນດຳເນີນການເກັບກຳຂໍ້ມູນ. ພາຍຫຼັງສຳເລັດໃນການເກັບກຳຂໍ້ມູນແລ້ວ ທີມງານຂັ້ນສູນກາງໄດ້ສັງລວມ ແລະ ກວດກາຄຸນະພາບຂອງຂໍ້ມູນໃນແຕ່ລະແບບຟອມ ເພື່ອຮັບປະກັນຄວາມຖືກຕ້ອງຂອງຂໍ້ມູນ ເພື່ອສ້າງເປັນແຜນທີ່ປະເພດການນຳໃຊ້ດິນ ປະກອບດ້ວຍພືດອາຍຸສັ້ນ ແລະ ອາຍຸຍາວ ຫຼາຍກວ່າ 94 ປະເພດ ໂດຍມີບັນດາປັດໄຈຕ່າງໆ ເຊັ່ນ: ຕົ້ນທຶນການຜະລິດ, ການໃຊ້ແຮງງານ, ຂະໜາດຂອງພື້ນທີ່, ຕົ້ນທຶນແຮງງານ, ທິດທາງການຕະຫຼາດ, ຄວາມຮູ້ທາງດ້ານເຕັກນິກ ແລະ ລະດັບການຈັດການ (ສູງ, ປານກາງ ແລະ ຕໍ່າ). Continue reading
ບົດຂ່າວອຸຕຸກະເສດປະຈຳອາທິດທີ່ 20-26 ທັນວາ 2021
ຜົນການພະຍາກອນສາມເດືອນຂ້າງໜ້າ (12/2021 ຫາ 2/2022) ຈາກລະບົບອຸຕຸກະເສດແຫ່ງ ສປປ ລາວ ໄດ້ຊີ້ໃຫ້ເຫັນວ່າ: ບັນດາແຂວງດ້ານຕາເວັນຕົກສຽງເໜືອ ແລະ ບາງແຂວງພາກກາງ (ບໍ່ແກ້ວ, ຫຼວງນ້ຳທາ, ອຸດົມໄຊ, ຫຼວງພະບາງ, ໄຊຍະບູລີ, ແຂວງວຽງຈັນ ແລະ ນະຄອນຫຼວງວຽງຈັນ) ມີສະພາບອຸນຫະພູມສູງກວ່າ ເມື່ອທຽບໃສ່ເກນປົກກະຕິ ແລະ 2 ແຂວງ ສະຫວັນນະເຂດ ແລະ ແຂວງ ຈຳປາສັກ ແມ່ນມີຜົນຄາດຄະເນອຸນຫະພູມຕ່ຳກ່ວາເມື່ອທຽບໃສ່ເກນປົກກະຕິ, ສ່ວນແຂວງອື່ນໆແມ່ນນອນຢູ່ໃນເກນປົກກະຕິ. ຜົນການຄາດຄະເນ່ຂອງ ນ້ຳຝົນແມ່ນຊີ້ໃຫ້ເຫັນວ່າ 3 ແຂວງພາກໃຕ້ ເຊັ່ນ: ແຂວງ ສາລະວັນ, ເຊກອງ ແລະ ແຂວງ ອັດຕະປື ມີຜົນຄາດ ຄະເນນ້ຳຝົນຫຼາຍກວ່າ ເມື່ອທຽບໃສ່ເກນປົກກະຕິ, ສ່ວນແຂວງອື່ນໆແມ່ນນອນຢູ່ໃນເກນປົກກະຕິ. Continue reading
ລັດຖະບານລາວ ແລະ ອົງການອາຫານ ແລະ ການກະເສດແຫ່ງສະຫະປະຊາຊາດ FAO ຮ່ວມກັນແກ້ໄຂບັນຫາເຊື້ອຈຸລະຊີບຕ້ານຕໍ່ຢາຕ້ານເຊື້ອ
ຢາຕ້ານເຊື້ອຈຸລະຊີບແມ່ນຢາທີ່ສໍາຄັນ ທີ່ໃຊ້ເພື່ອຕໍ່ສູ້ກັບພະຍາດຮ້າຍແຮງຫຼາຍຊະນິດ ແລະ ປິ່ນປົວການຕິດເຊື້ອໃນຄົນ, ສັດ ແລະ ພືດ. ໃນຊຸມປີຜ່ານມານີ້, ຢາຕ້ານເຊື້ອໄດ້ຖືກນໍາໃຊ້ໂດຍບໍ່ຈໍາເປັນ, ຖືກນໍາໄປໃຊ້ຫຼາຍເກີນໄປ, ຖືກນໍາໃຊ້ໃນທາງທີ່ຜິດ, ບໍ່ໄດ້ໃຊ້ຕາມກໍານົດເວລາ ແລະ ປະລິມານທີ່ແນະນໍາໃຫ້ ແລະ ຍັງຖືກນໍາໃຊ້ ເພື່ອສົ່ງເສີມການຈະເລີນເຕີບໂຕໃນການລ້ຽງສັດ. ການກະທໍາທີ່ເປັນອັນຕະລາຍເຫຼົ່ານີ້ໄດ້ນໍາໄປສູ່ການພັດທະນາການຕ້ານຕໍ່ຢາຕ້ານເຊື້ອ (AMR). Continue reading
ລາຍການກະສິກຳ ແລະ ປ່າໄມ້ ອອກອາກາດຄັງວັນທີ 16,17,19 ແລະ 20 ທັນວາ 2021
ການນຳໃຊ້ຂໍ້ມູນພູມອາກາດ ສ້າງແຜນທີ່ ການປະເມີນປະລິມານຜົນຜະລິດພືດ ໃນອານາຄົດ ຂອງ ສປປ ລາວ
ກົມຄຸ້ມຄອງ ແລະ ພັດທະນາທີ່ດິນກະສິກຳ, ກະຊວງກະສິກໍາ ແລະ ປ່າໄມ້ ໄດ້ຮ່ວມມືກັບກົມອຸຕຸນິຍົມ ແລະ ອຸທົກກະສາດ, ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ ສ້າງຂໍ້ມູນພູມອາກາດໃນອານາຄົດ ເພື່ອນຳໃຊ້ເຂົ້າໃນການສ້າງແຜນທີ່ແບ່ງເຂດລະບົບນິເວດກະສິກຳ ຫຼື ການປະເມີນປະລິມານຜົນຜະລິດພືດ ຂອງ ສປປ ລາວ ຂຶ້ນ. Continue reading
ບົດຂ່າວອຸຕຸກະເສດປະຈຳເດືອນ ຂອງ ສປປ ລາວ.
ກົມອຸຕຸນິຍົມ ແລະ ອຸທົກກະສາດ ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ ໄດ້ຮ່ວມມື ເຮັດວຽກ ແລະ ປະສານງານ ກັບບັນດາກົມ ແລະ ສູນຂອງກະຊວງກະສິກຳ ແລະ ປ່າໄມ້ ປະກອບມີ: ກົມຄຸ້ມຄອງ ແລະ ພັດທະນາທີ່ດິນກະສິກຳ, ສະຖາບັນຄົ້ນຄ້ວາກະສິກຳ, ປ່າໄມ້ ແລະ ພັດທະນາຊົນນະບົດ, ກົມປູກຝັງ (ສູນປ້ອງກັນພືດ), ໄດ້ຮວ່ມກັນພັດທະນາລະບົບ ບໍລິການຂໍ້ມູນອຸຕຸກະເສດ ຂອງ ສປປ ລາວ. Continue reading
ບົດຂ່າວອຸຕຸກະເສດປະຈຳອາທິດ ຂອງ ສປປ ລາວ
ກົມອຸຕຸນິຍົມ ແລະ ອຸທົກກະສາດ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ຮ່ວມມື ແລະ ເຮັດວຽກປະສານງານກັບບັນດາກົມ ແລະ ສູນ ຂອງກະຊວງກະສິກຳ ແລະ ປ່າໄມ້ ເຊິ່ງປະກອບມີ: ກົມຄຸ້ມຄອງ ແລະ ພັດທະນາທີ່ດິນກະສິກຳ, ສະຖາບັນຄົ້ນຄ້ວາກະສິກຳ, ປ່າໄມ້ ແລະ ພັດທະນາຊົນນະບົດ, ກົມປູກຝັງ (ສູນປ້ອງກັນພືດ) ໄດ້ຮວ່ມກັນພັດທະນາລະບົບບໍລິການຂໍ້ມູນອຸຕຸກະເສດ ຂອງ ສປປ ລາວ.
ກິດຈະກຳດັ່ງກາ່ວແມ່ນໄດ້ດຳເນີນພາຍໃຕ້ກິດຈະກຳໂຄງການ ຂອງອົງການອາຫານ ແລະ ການກະເສດແຫ່ງສະຫະປະຊາຊາດ FAO (ໂຄງການສ້າງຄວາມເຂັ້ມແຂງໃຫ້ແກ່ລະບົບຕິດຕາມ ຂໍ້ມູນຂ່າວສານອຸຕຸກະເສດ ເພື່ອການປັບຕົວກັບການປ່ຽນແປງດິນຟ້າອາກາດ ແລະ ການຄໍ້າປະກັນສະບຽງອາຫານ ໃນ ສປປລາວ SAMIS) ໂດຍການສະໜັບສະໜູນທຶນຈາກ ອົງການສິ່ງແວດລ້ອມໂລກ (GEF) ໂດຍການຊີ້ນຳດ້ານເຕັກນິກວິຊາການຈາກຫ້ອງ ການ FAO ປະຈຳລາວ ແລະ ພາກພື້ນອາຊີປາຊີຟິກ, ດ້ານເຕັກນິວິຊາການ ແມ່ນໄດ້ຮັບການສະໜັບສະໜູນໂດຍກົງ ຈາກອົງການ (ສູນ) APPC ແລະ ອົງການ ຊ໌ຽດ CIAT.
ປະຕິທິນການປູກພືດ
ການທີ່ເຮົາຮູ້ໄລຍະເວລາການປູກພືດ ແລະ ເກັບກ່ຽວນັ້ນເປັນສິ່ງທີ່ສຳຄັນໃນການພິຈາລະນາ ເພື່ອທຳຄວາມເຂົ້າໃຈກັບຮອບວຽນການຜະລິດພືດ ແລະ ຜົນສະທ້ອນຕໍ່ກັບສະບຽງອາຫານ. ໃນປະເທດລາວ, ປະຕິທິນການປູກພືດໄດ້ຖຶກພັດທະນາໃນ 2 ລະດັບຄື: “ລະດັບເມືອງ” ເພື່ອສະໜັບສະໜູນການໃຫ້ຄຳແນະນຳ ກ່ຽວກັບຄວາມສ່ຽງດ້ານສະພາບດິນຟ້າອາກາດ ໂດຍອິງໃສ່ການພະຍາກອນ ແລະ “ລະດັບແຂວງ” ເພື່ອສະໜັບສະໜູນການໃຫ້ຄຳແນະນຳດ້ານອຸຕຸກະເສດ ໂດຍອີງໃສ່ການພະຍາກອນລະດູການ. ປະຕິທິນການປູກພືດຈະໃຫ້ຂໍ້ມູນແກ່ຜູ້ໃຊ້ ກ່ຽວກັບໄລຍະເວລາການປູກພືດໃນແຕ່ລະລະດູການ ຕາມລາຍລະອຽດໄລະຍະເດືອນທີ່ປູກ ແລະ ເກັບກ່ຽວ. ໃນໄລຍະເວລານັ້ນ ແມ່ນເປັນການບົວລະບັດຮັກສາພືດ ໂດຍການຈັດຕັ້ງປະຕິບັດຂອງຊາວກະສິກອນ. ເວລາຂອງຄວາມສ່ຽງທີ່ກ່ຽວຂ້ອງກັບສະພາບອາກາດ ໂດຍອີງໃສ່ການປະເມີນຕາມປະ ຫວັດໃນແຕ່ລະໄລຍະການຈະເລີນເຕີບໂຕ ເຊັ່ນ: ໄພນໍ້າຖ້ວນ, ພາຍຸ, ໄພແຫ້ງແລ້ງ, ແມງໄມ້ສັດຕູພືດ ແລະ ພະຍາດ, ຄວາມກົດດັນຈາກສະພາບອາກາດຮ້ອນ ແລະ ໜາວ. ຍຸດທະສາດການຕອບໂຕ້ໄດ້ຖືກກຳນົດສຳລັບແຕ່ລະຄວາມສ່ຽນດ້ານສະພາບອາກາດເພື່ອເສີມສ້າງໃນການພັດທະນາ ການໃຫ້ຄຳແນະນຳດ້ານກະສິກຳທີ່ເໝາະສົມ.
