ການສຳຫຼວດຄວາມຕ້ອງການ ໃນການປັບປຸງ ແລະ ພັດທະນາ ສະຖານີຕິດຕາມສະພາບອາກາດຂັ້ນເມືອງທົ່ວປະເທດ
ການສຳຫຼວດຄວາມຕ້ອງການ ໃນການປັບປຸງ ແລະ ພັດທະນາ ສະຖານີຕິດຕາມສະພາບອາກາດຂັ້ນເມືອງທົ່ວປະເທດ
ລະບົບບໍລິການຂໍ້ມູນພູມອາກາດ ໃຫ້ແກ່ວຽກງານກະສິກຳແຫ່ງ ສປປ ລາວ ໄດ້ຮັບການພັດທະນາ ແລະ ຈັດ ຕັ້ງປະຕິບັດໂດຍ ກົມອຸຕຸນິຍົມ ແລະ ອຸທົກກະສາດ, ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ແລະ ບັນ ດາກົມ, ສະຖາບັນ ແລະ ສູນ ພາຍໃນກະຊວງກະສິກຳ ແລະ ປ່າໄມ້ ຊຶ່ງປະກອບມີ: ກົມຄຸ້ມຄອງ ແລະ ພັດທະນາທີ່ດິນກະສິກຳ, ສະຖາບັນຄົ້ນຄ້ວາກະສິກຳ, ປ່າໄມ້ ແລະ ພັດທະນາຊົນນະບົດ, ສູນປ້ອງກັນພືດ (ກົມປູກຝັງ). ພາຍໃຕ້ການ ສະໜັບສະໜູນ ທືນຮອນ ຈາກກອງທືນສິ່ງແວດລ້ອມໂລກ ແລະ ສະໜັບສະໜູນເຕັກນິກ ຈາກອົງການອາຫານ ແລະ ການກະເສດ ແຫ່ງສະຫະປະຊາຊາດ ປະຈຳ ສປປ ລາວ.
ລະບົບອຸຕຸກະເສດຂອງ ສປປ ລາວ ແມ່ນລະບົບ ເວັບໄຊ໌ ແລະ ເເອັບອອນລາຍ ທີ່ໄດ້ເປີດການນຳໃຊ້ມາຕັ້ງແຕ່ ປີ 2019 ໃນການບໍລິການຂໍ້ມູນອຸຕຸກະເສດ ທີ່ເປັນຂໍ້ມູນທີ່ສຳຄັນ ແລະ ຈຳເປັນ ສຳລັບຊາວກະສິກອນໃນ ສປປ ລາວ ສາ ມາດປັບໂຕເຂົ້າກັບການປ່ຽນແປງດິນຟ້າອາກາດ ແລະ ດຳເນີນການຜະລິດຢ່າງມີປະສິທິພາບໄດ້ ໃນສະພາບແວດ ລ້ອມການປ່ຽນແປງດິນຟ້າອາກາດ ທີ່ມີທ່າທີຈະຮຸນແຮງຂື້ນເລື້ອຍໆໃນອານາຄົດ. ເພື່ອປັບປຸງຄຸນນະພາບຂອງຂໍ້ມູນບໍລິການອຸຕຸກະເສດໃຫ້ສູງຂື້ນກ່ວາເກົ່າ ສະພາບຄວາມຖີ່ຂອງຕາໜ່າງສະຖານີຕິດຕາມສະພາບອາກາດ ແມ່ນປັດໃຈທີ່ ສຳຄັນ ແລະ ຈຳເປັນອັນໜຶ່ງ. ສະນັ້ນ, ໂຄງການສ້າງຄວາມເຂັ້ມແຂງລະບົບຕິດຕາມ ແລະ ຂໍ້ມູນຂ່າວສານ ອຸຕຸກະເສດ (SAMIS 2) ໄລຍະ 2 ທີ່ຄາດຄະເນວ່າຈະໄດ້ຮັບການຈັດຕັ້ງປະຕິບັດໃນປີ 2024 ເປັນຕົ້ນໄປ ໃນໄລຍະ 5 ປີ ແມ່ນ ໄດ້ມີແຜນປັບປຸງຄວາມຖີ່ຕານ່າງສະຖານີຕິດຕາມສະພາບອາກາດ ສຳລັບວຽກງານອຸຕຸກະເສດ ເຊິ່ງລວມທັງການປັບ ປຸງສະຖານີທີ່ມີຢູ່ແລ້ວ ຈຳນວນເກືອບ 50 ສະຖານີ ແລະ ສະຖານີລະບົບອັດຕະໂນມັດທີ່ທັນສະໄໝ, ຕັ້ງໄໝ່ອີກ 30 ສະຖານີ ໃນ 18 ແຂວງທົ່ວປະເທດ.
ເພື່ອເກັບກຳຂໍ້ມູນລາຍລະອຽດຕົວຈິງ ກ່ຽວກັບສະພາບແວດລ້ອມ-ສັງຄົມ ແລະ ຄວາມຈຳເປັນໃນການປັບປຸງ ແລະ ກຳນົດສະຖານທີ່ຕັ້ງສະຖານີໃໝ່ ທີີ່ມີຄະນະກະກຽມໂຄງການ SAMIS 2 ແລະ ຝ່າຍລັດຖະບານ ແມ່ນໄດ້ຕົກ ລົງເຫັນດີໃຫ້ດຳເນີນການສຳຫຼວດເກັບກຳຂໍ້ມູນລາຍລະອຽດ ກ່ຽວກັບສະຖານີອຸຕຸນິຍົມທົ່ວປະເທດ. ໃນລະຫວ່າງ ວັນທີ 19 ມິຖຸນາ 2022 ເຖິງ 5 ກໍລະກົດ 2022, ກົມອຸຕຸນິຍົມ ແລະ ອຸທົກກະສາດ ສົມທົບກັບຊ່ຽວຊານຈາກ ໂຄງການ ຊາມິສ-ອົງການອາຫານ ແລະ ການກະເສດແຫ່ງສະຫະປະຊາຊາດ ໄດ້ດຳເນີນການສຳຫຼວດພາກສະໝາມ ຕົວຈິງ ຢູ່ແຂວງວຽງຈັນ ໃນຈຳນວນ 11 ຕົວເມືອງ ໂດຍໄດ້ມີການສົມທົບກັບພະແນກຊັບພະຍາທຳມະຊາດ ແລະ ສິ່ງແວດລ້ອມ ແລະ ຫ້ອງການຊັບພະຍາກອນທຳມະຊາດ ແລະ ສິ່ງແວດລ້ອມເມືອງ. ກ່ອນການຈັດຕັ້ງປະຕິບັດໜ້າ ວຽກຕົວຈິງ, ທີມຄະນະເຮັດວຽກກໍ່ໄດ້ເຂົ້າພົບ ແລະ ປຶກສາຫາລືກັບພະແນກຊັບພະຍາກອນທຳມະຊາດ ແລະ ສິ່ງແວດ ລ້ອມແຂວງວຽງຈັນ ໂດຍການຕ້ອນຮັບຂອງ ທ່ານ ປອ ບຸນພະຈັນ ບຸນທະລາ ຮອງຫົວໜ້າພະແນກຊັບພະຍາກອນທຳ ມະຊາດ ແລະ ສິ່ງແວດລ້ອມແຂວງ, ຜູ້ຊີ້ນຳວຽກງານອຸຕຸນິຍົມ ແລະ ອຸທົກກະສາດ ໃນກອງປະຊຸມນີ້ ທ່ານວຽງໄຊ ມະນີວົງ ຮອງຫົວໜ້າກົມອຸຕຸນິຍົມ ແລະ ອຸທົກກະສາດ ຜູ້ນຳພາຄະນະສຳຫຼວດກໍ່ໄດ້ນຳສະເໜີຈຸດປະສົງ ແລະ ຄາດໝາຍ ຂອງການລົງເຮັດວຽກຢູ່ແຂວງວຽງຈັນໃນຄັ້ງນີ້. ທ່ານ ປອ ບຸນພະຈັນ ບຸນທະລາ ກໍ່ໄດ້ລາຍງານສະພາບລວມຂອງວຽກ ງານອຸຕຸນິຍົມ ແລະ ອຸທົກກະສາດພາຍໃນແຂວງ ຕໍ່ຄະນະທີມງານ ແລະ ກໍ່ໄດ້ມີການປຶກສາຫາລື ກ່ຽວກັບສະພາບ ຄວາມຈຳເປັນໃນການຂະຫຍາຍຕາໜ່າງສະຖານີ ແລະ ປັບປຸງສະຖານີຕິດ ຕາມສະພາບອາກາດພາຍໃນແຂວງ ເພື່ອ ຕອບສະໜອງຂໍ້ມູນສະພາບອາດກາດ ທີ່ມີຄຸນນະພາບ ແລະ ຊັດເຈນ ແກ່ຂະແໜງການຕ່າງໆ ແລະ ສັງຄົມຢ່າງທົ່ວເຖິງ. ທີມງານໄດ້ລົງເຮັດວຽກສຳຫຼວດເກັບກຳຂໍ້ມູນ ລົງເລິກກ່ຽວກັບສະພາບຄວາມຕ້ອງການໃນການປັບປຸງ, ພື້ນທີ່ິຕິດຕັ້ງ ສະຖານີໃໜ່, ສິ່ງແວດລ້ອມ ແລະ ສັງຄົມ, ຜົນກະທົບຈາກການປ່ຽນແປງດິນຟ້າອາກາດ ແລະ ປະເມີນຄາດຄະເນດ້ານ ງົບປະມານ ທີ່ເມືອງວຽງຄຳ ເປັນເມືອງທຳອິດ ແລະ ສືບຕໍ່ໄປເມືອງອື່ນໆພາຍໃນແຂວງຕາມລຳດັບ.
ຂໍ້ມູນເພີ້ມເຕີມ:
ລະບົບຫຼັກຊາແມ່ນໄດ້ຮັບທືນຊ່ວຍເຫຼືອຈາກ ໂຄງການໃຫ້ທືນໂດຍກອງທືນສິ່ງແວດລອ້ມໂລກ ຂອງອົງການ FAO ຜ່ານໂຄງການ ສ້າງຄວາມເຂັ້ມແຂງ ລະບົບຕິດຕາມ ແລະ ຂໍ້ມູນຂ່າວສານ ອຸຕຸກະເສດ ເພື່ອການປັບໂຕກັບການປ່ຽນແປງພູມອາກາດ ແລະ ຄ້ຳປະກັນສະບຽງອາຫານໃນ ສປປ ລາວ (SAMIS).
ທີ່ຢູ່ເວັບໄຊ້ຫຼັກຊາ: www.lacsa.net
ລະບົບເອບປຼີເກເຊີນ ແອນດຼອຍ: https://play.google.com/store/apps/details?id=com.fao.lacsa_app
ລະບົບເອບປຼີເກເຊີນ ແອບໂປ້: https://apps.apple.com/sg/app/lacsa/id1573693442
ຂໍ້ມູນປັບປູງເປັນປະຈຳສາມາດເຂົ້າເບິ່ງໄດ້ທີ່: https://www.facebook.com/samisdmh.
